Fréttamolar úr MS

• Mánudagur 17. apríl: Miðannarmat birtist í Innu kl. 20.
• Fimmtudagur 20. apríl: Sumardagurinn fyrsti - frídagur
• Föstudagur 21. apríl: Matsdagur
• Vikan 24.-28. apríl: Umhverfisvika í MS skipulögð af umhverfisnefnd skólans

Verkfræðistofan Efla hefur nú skilað skýrslu með niðurstöðum úr sýnatökum í Aðalsteini (nýbyggingu) og er skýrslan meðfylgjandi. Því miður var niðurstaðan sú að Aðalsteinn reyndist ekki myglufrír. Rektor fundaði með öryggisnefnd í vikunni og var þar farið yfir skýrsluna og Framkvæmdasýslan – Ríkiseignir munu fara í þær viðgerðir sem þarf á Aðalsteini eftir að skólastarfinu lýkur í vor. Unnið er í því að fá fleiri loftræstitæki í hús nú þegar.

Í ár verður úthlutað í sextánda sinn styrkjum úr Afreks- og hvatningarsjóði Háskóla Íslands til framhaldsskólanema sem ná afburðaárangri á stúdentsprófi og innritast í Háskóla Íslands. Frá upphafi hafa yfir 400 nýnemar við Háskólann hlotið styrki úr sjóðnum. Styrkirnir eru að fjárhæð 300.000 kr. hver auk 75.000 kr. til endurgreiðslu á skrásetningargjaldi við Háskóla Íslands.

Nemendur sem hafa íslensku sem annað mál eru sérstaklega hvattir til að sækja um.

Við val á styrkhöfum er tekið mið af:

• framúrskarandi námsárangri á stúdentsprófi
• virkni í félagsstörfum
• árangri nemenda á öðrum sviðum, s.s. í listum og íþróttum
• sérstökum framförum í námi eða góðum námsárangri þrátt fyrir erfiðar aðstæður
  
  

Frekari upplýsingar um sjóðinn er að finna undir eftirfarandi slóð: https://www.hi.is/sjodir/afreks_og_hvatningarsjodur_studenta_haskola_islands

Umsóknarfrestur um styrki úr Afreks- og hvatningarsjóði Háskóla Íslands er til 5. júní nk. líkt og umsóknarfrestur um nám við skólann.

Í myndbandinu hér að neðan má heyra framlag MS í Söngakeppni framhaldsskólanna sem fór fram þann 1. apríl. Ketill Ágústson var hreint út sagt frábær á sviðinu 👏👏👏

Umhverfisnefnd nemenda MS með stuðningi kennara í grænfánaáfanga hefur sett saman glæsilega dagskrá fyrir umhverfisvikuna sem sjá má hér fyrir neðan. Nánari upplýsingar koma þegar nær dregur.

Mándagur 24.4.

• Fatamarkaður
• Gróðursetning
• Zumba

Þriðjudagur 25.4

• Fatamarkaður
• Fyrirlestur Landverndar

Miðvikudagur 26.4

• Fatamarkaður
• Ungir umhverfissinnar
• Grænn fatnaður

Fimmtudagur 27.4

• Fatamarkaður
• Kahoot spurningakeppni
• Brúsasala

Föstudagur 28.4

• Grænn fatnaður
• Bíllaus dagur
• Afhending Grænfánans