Introdución
As mazás, tanto a verde como a vermella, comparten un simbolismo erótico, xa que se comparaban cos peitos femininos pola súa forma, e “tirarlle unha mazá a alguén” significaba invitalo ao xogo amoroso.Era o froito da sensualidade.
Tamén na antiga Grecia ,servía de regalo do amor porque imaxinaban a mazá coma un tributo de Afrodita,a deusa do amor.
O Xardín das Hespérides
A mitoloxía grega fala dun fermoso xardín, un horto da propiedade da deusa Hera nun recuncho do Occidente. Este xardín contaba cunha árbore de mazás de ouro que a deusa Gea obsequiou a Hera como símbolo da fertilidade con ocasión das súas vodas con Zeus. Estas mazás douradas pertencen ao Xardín de Hespérides.
A Mazá de Adan e Eva
A mazá tamén é o ‘froito prohibido’ do que son partícipes Adán e Eva xa que son expulsados do seu paraíso por comer a mazá da árbore prohibida, isto provocou que perderan a inocencia e se introducira o pecado no mundo. Neste caso a mazá simboliza a fecundidade e o coñecemento.Hai outra referencia bíblica no Cantar dos Cantares.
A Mazá da Discordia
A mazá da discordia é a mazá de ouro que, segundo a mitoloxía grega, a deusa Eris destinou para a máis fermosa das divindades que asistían á voda de Peleo e Tetis. Tres delas,Hera,Atenea e Afrodita, pugnaron por ser as elixidas. O xuíz que dirimiría a disputa sería Paris, conseguindo así o amor de Helena. Deste xeito, fálase da ’’mazá da discordia’’ cando queremos referirnos a unha cousa, persoa ou situación que é a causa dun conflito o que dificulta ou impide a resolución favorable desta mesma disputa.
