Kæru foreldrar, nemendur og starfsfólk!
Eins og fram kom í pósti frá skólastjóra hafa sóttvarnaryfirvöld gefið út að litlar sem engar breytingar verða á takmörkunum til og með 9. desember. Við höldum því svipuðu skipulagi áfram en bætum við íþróttum og sundi samkvæmt stundatöflu hjá 1.-7. bekk. Einnig bætast við tveir íþróttatímar hjá 8.-10. bekk. Við höldum áfram að leggjast öll sem eitt á árarnar í því að komast yfir þetta tímabil. Við gætum þurft að breyta skipulagi með stuttum fyrirvara þannig að það er mikilvægt að lesa vel allar upplýsingar sem berast frá skólanum. Verið í sambandi við okkur ef eitthvað er óljóst, það er mikilvægt svo allt gangi sem allra best.
Niðurstöður samræmdu prófanna í 4. og 7. bekk liggja fyrir og erum við mjög sátt við þær. Inn á heimasíðu skólans er hægt að skoða niðurstöður prófanna.
Litlu jólin verða á sínum stað þann 18. desember. Fyrirkomulag verður með öðru sniði en vant er vegna aðstæðna sem uppi eru núna. Nánari upplýsingar er að finna neðar í póstinum.
Skólinn hefst svo aftur eftir jólaleyfi þann 5. janúar. Mánudaginn 4. janúar er skipulagsdagur og frístund er lokuð þann dag.
Starfsfólk Síðuskóla óskar nemendum og foreldrum gleðilegra jóla og farsældar á nýju ári um leið og við þökkum samstarfið á árinu sem er að líða. Það hefur verið mikilvægt að eiga gott samstarf við ykkur öll, þar sem verkefni ársins hafa verið óvenjuleg og krefjandi.
Með hækkandi sól tökumst við á við ný verkefni, leiðarljós okkar er að vinna saman, ná árangri og gleðjast!
Með góðri kveðju inn í helgina!
Ólöf, Malli og Helga
Litlu jólin
