Hvalrekinn

Við óskum ykkur og fjölskyldum ykkar gleði- og hamingjuríkra jóla.

Megi gæfa og góð heilsa umvefja ykkur um hátíðina og á nýju ári.

Með kærleikskveðju,

Stjórnendur og starfsfólk Hvaleyrarskóla.

Þar sem nemendur og starfsmaður skólans er með bráðaofnæmi fyrir hnetum er Hvaleyrarskóli hnetulaus skóli og biðjum við foreldra jafnt sem starfsfólk að virða það. Nemendur og starfsfólk mega því ekki koma með hnetur í skólann.

• Jólapeysudagur - bæði starfsmenn og nemendur eru hvattir til að koma í jólapeysu.
• Jólamatur hjá Skólamat.

Kl. 8:30 – 10:30, 1. og 2. bekkur

• Kl. 8:30 – 9:00 eru nemendur í 1. bekk á sal

• Kl. 9:00 – 9:30 eru nemendur í 2. bekk á sal

Kl. 9:30 – 11:30, 3. og 4. bekkur

• Kl. 9:40 – 10:10 eru nemendur í 3. bekk á sal
• Kl. 10:10 – 10:40 eru nemendur í 4. bekk á sal

Kl. 10:30 – 12:30, 5., 6. og 7. bekkur

• Kl. 11:00 – 11:30 eru nemendur á sal í hólfum

Kl. 11:30 – 13:30, 8., 9. og 10 bekkur

• Kl. 11:30 – 12:00 eru nemendur á sal í hólfum

• Þeir nemendur sem eru skráðir í Holtasel geta farið í Holtasel að lokinni dagskrá með umsjónarkennara.
  Athugið að það er ekki hádegismatur þennan dag og mikilvægt að nemendur er fara í Holtasel komi með hádegisnesti. Það verður síðan síðdegishressing.

Síðustu tvær vikurnar í nóvember var lestrarsprettur hjá nemendum í yngstu deild. Þemað voru uglur. Nemendur lásu bæði heima og í skólanum og skráðu blaðsíður og mínútur í hvert skipti. Til þess að gera lesturinn skemmtilegri lituðu nemendur Tetris kubba í lestrarhefti. Á gangi skólans bjuggu nemendur síðan til mósaík mynd af uglu þar sem hver nemandi fékk að líma litla miða á listaverkið í samræmi við lesnar mínútur. Miðvikudaginn 1. desember vorum við síðan með uppskeruhátíð þar sem nemendur fengu að gæða sér á súkkulaðiköku eftir hádegismatinn.

Mánudaginn 29. nóv. hófst tveggja vikna lestrarsprettur í mið- og unglingadeild Hvaleyrarskóla. Allir nemendur fengu hefti þar sem þeir áttu að skrá lesturinn og líma inn á bingóspjald sem þeir drógu hjá kennara.

Nemendur lásu 20 mínútur á skólatíma og kennari kvittaði fyrir lesturinn. Auk þess að lesa í skólanum var ætlast til að nemendur hafi lesið a.m.k. 20 mínútur heima alla virka daga, því fleiri mínútur því betra. Mikilvægt var að foreldrar kvittuðu fyrir heimalesturinn svo hann væri tekinn gildur þegar nemendur söfnuðu lestrarmínútum.

Í hverjum lestrartíma voru birtar bingótölur dagsins. Í fyrri vikunni voru dregnar út þrjár tölur á dag en tvær tölur í seinni vikunni. Spilað var allt spjaldið.

Þegar nemandi hafði lesið 200 mínútur fékk hann miða, þar sem hann skrifaði nafnið sitt og setti í kassa. Nemandinn þurfti að vera með kvittun fyrir þessum blaðsíðum til að geta farið í pottinn. Ef lesnar voru aðrar 200 mínútur gat nemandinn sett nafnið sitt aftur í pottinn.

Mánudaginn 13. desember og þriðjudaginn 14. desember var uppskeruhátíð lestarátaksins sem lauk með því að spilaðar voru rafrænt síðustu tölur í bingóinu í allar stofur. Þannig náðu vinnignshafa að vinna meðal annar ísveislu fyrir bekkinn sinn. Þá voru vinningshafar dregnir úr pottinum þar sem nemendur settu nafnið sitt sem lásu 200 mínútur eða meira.

Nemendur í 1.- 4. bekk og 6. bekkir taka þátt í Öðruvísi jóladagatali sem er á vegum SOS barnaþorpa. Þetta er fjórða árið í röð sem við tökum þátt en í fyrra safnaðist 116 þúsund krónur sem fóru í að styrkja nýtt fjölskyldueflingarverkefni SOS barnaþorpana í Malaví. Tilgangurinn með fjölskyldueflingunni er að hjálpa sárafátækum barnafjölskyldum að standa á eigin fötum.

Jóladagatalið gengur út á það að á hverjum degi sjá nemendur myndbönd frá ólíkum löndum í heiminum en ætlunin er að heimsækja, Víetnam, Bosníu-Hersegóvinu, Perú, Nepal, og Bólivíu.. Þegar búið er að horfa á myndböndin frá þessum löndum skapast oft góðar umræður um aðstæður barna á þessum ólíku stöðum. Nemendur vinna síðan heimilisverk sem þeir fá pening fyrir en peningunum verður svo skilað í þetta góða málefni.

• Skipulagsdagur, 3. janúar
  

• Kennsla hefst 4. janúar

• Lestrarsprettur, allir árgangar

• Lesferill – allir nemendur prófaðir í 1. – 10. bekk

• Orðarún – nemendur í 3. – 8. bekk prófaðir

• Logos skimun, jan – feb. nemendur í 3. bekk

• Skólapúlsinn – úrtak nemenda

• Skólaþing 14. janúar frá kl. 10:00 - 11:20.

• Skipulagsdagur, 24. janúar

• Valgreinar vorannar hefjast 17. janúar

Ef foreldrar hyggja á ferðalög erlendis um jól og/eða áramót er mikilvægt að vera meðvituð um þær aðgerðir sem eru í gildi við landamærin á Íslandi þegar komið er heim á ný. Hér má finna leiðbeingar um ferðalög til og á Íslandi.

Hér er hægt að nálgast bæklinga á ýmsum tungumálum um mikilvægi móðurmálsins. Að hafa gott vald á móðurmálinu hjálpar börnum að læra íslensku, þar sem tungumál vinna saman, en er ekki síður mikilvægt til að þroska með einstaklingum öryggi og sterka sjálfsmynd.

https://www.ryerson.ca/mylanguage/brochures/

Hér er bæklingur frá Bókasafni Hafnarfjarðar um mikilvægi lesturs og að skapa notalegar lestrarstundir foreldra og barna. Þessi bæklingur er bæði á íslensku, ensku og pólsku.

https://www.hafnarfjordur.is/media/auglysingar/laesisbaeklingur-isl.pdf

https://www.hafnarfjordur.is/media/fraedsluthjonusta/laesisbaeklingur-ens.pdf

https://www.hafnarfjordur.is/media/fraedsluthjonusta/laesisbaeklingur-pol.pdf

Munum öll - að þakka fyrir það.

sem okkur er gefið, sama hvað,

Með jákvæðni og æðruleysi.

Það sem bætir lífið okkar er kurteisi.

- Viðlag -

Við í Hvaleyrarskóla stöndum hönd í hönd

Ekkert mun slíta okkar vinabönd.

saman skínum skært sem kertaljós

því skólinn minn er mitt leiðarljós

-BRÚ -

Við hjálpumst alltaf að

nefndu stund og stað,

þá kem ég með

og stend með þér.

Umhverfið - pössum við vel

Og pössum hvort annað, líka jafn vel.

Erum vafin vinatryggð.

Það sem bætir lífið okkar er ábyrgð

- VIÐLAG -

Bjóðum hjálp, ef eitthvað er að

og tökum vel eftir, hugsum um það

Í amstri dagsins er mörgu að sinna

Það sem bætir lífið okkar er, samvinna.

- VIÐLAG Í KEÐJU

lag : Guðrún Árný. Texti : Palli ( Páll S. Sigurðsson) og Guðrún Árný

Við minnum á samræmdar reglur um ástundun í grunnskólum Hafnarfjarðar en kynning á þeim er í kynningarglærum árganganna. Reglur og viðbragðsáætlun eru samræmdar þannig að ekki sé mismunun milli skóla bæjarins.

Starfsfólk skólanna í Hafnarfirði hefur áhyggjur af minnkandi skólasókn og fjölgun nemenda sem teljast falla undir skilgreiningar um skólaforðun. Í reynd eru allar fjarvistir frá skóla óheppilegar af ýmsum ástæðum og því er ekki gerður greinarmunur á fjarvistardögum þótt greinarmunur sé gerður á tilefni fjarvista. Eftir því sem skólasókn fer minnkandi taka við aukin viðbrögð af hálfu skóla til að koma sem lengst í veg fyrir að námsárangur nemenda versni vegna slakrar skólasóknar og vanlíðan aukist.

Meginefni reglanna er:

1. AÐ VIRÐING SÉ BORIN FYRIR SKÓLASÓKN

Allt skólasamfélagið (forsjáraðilar, nemendur, starfsfólk skóla) verður að bera virðingu fyrir mikilvægi skólasóknar alla 180 skóladaga nemenda í grunnskóla á hverju skólaári.

2. AÐ SKÓLA BERI ENGIN SKYLDA TIL SÉRSTUÐNINGS VEGNA LEYFA

Starfsfólk skóla ber ekki skylda til að þjónusta einstaka nemendur sérstaklega vegna fjarvista frá skóla, hverju nafni sem þær nefnast, og skulu forsjáraðilar ekki óska eftir slíkri þjónustu (t.d. að kennarar gefi út sérstaka heimavinnu eða skilaboð þegar um er að ræða persónuleg leyfi fjölskyldna).

3. AÐ SKRÁÐ SÉ RAUNSKÓLAMÆTING Í LOK SKÓLAÁRS Á VITNISBURÐARBLAÐ NEMANDA

Allar fjarvistir, hverju nafni sem þær nefnast, búa til eina raunmætingareinkunn sem gefin er á vitnisburðarskírteini nemenda í lok skólaárs, sem prósentuhlutfall af skólasókn yfir skólaárið.

4. AÐ GEFIN SÉ ÁRLEG LOKAEINKUNN (A-D) VEGNA SKÓLASÓKNAR Á VITNISBURÐARBLAÐ

Ástundun sem snýr að fjarvistum, seinkomum og brottrekstri úr kennslustundum mynda á einu skólaári skólasóknareinkunn sem hver nemandi fær á matskvarðanum A, B+, B, C+, C og D í samræmi við kvarða (sjá fylgiskjal póstsins).

5. AÐ VIÐBRÖGÐ SKÓLA OG BARNAVERNDAR VIÐ MINNKANDI SKÓLASÓKN SÉU SAMHÆFÐ

Þótt forsjáraðilar hafi víðtækar heimildir til að tilkynna veikindi og leyfi frá skóla munu skólar bregðast við öllu slíku sem „fjarvistum“ óháð tilefni, í samræmi við reglur. Allar fjarvistir frá skóla eru óheppilegar og miklar fjarvistir (umfram 10% kennslutímans eða 18 skóladaga á skólaári) geta hamlað námsárangri barna. Það er skylda nemenda að mæta í skóla nema að löggild forföll hamli. Umræddar reglur gilda um alla grunnskóla Hafnarfjarðar jafnt og færast með nemendum flytji þeir á milli skóla innan Hafnarfjarðar á skólaárinu.

Foreldrafélag Hvaleyraskóla hefur ákveðið að styrkja bekkjatengla fyrsta til fimmta bekkjar um hámark 5.000 kr. á önn til þess að gera eitthvað skemmtilegt með bekkjunum. Fyrirkomulagið er þannig kvittanir fyrir útlögðum kostnaði auk samantektar á heildarkostnaði er send á póstfang foreldrafélagsins (foreldrafelag@hvaleyrarskoli.is). Þar sem koma þarf fram nafn bekkjar og tilefni (hvað var gert með bekkjunum) og nafn, kennitala og bankaupplýsingar bekkjatengils. Foreldrafélagið gefur sér u.þ.b. viku til að endurgreiða útlagðan kostnað.

Búið er að setja upp skipulag fyrir hverfisrölt hér á Holtinu. Skráningarskjal er í gegnum Google sheet sem virkar þannig að þið foreldrar/forráðamenn sem viljið leggja okkur lið og taka þátt í hverfisröltinu skráið ykkur sjálf inní skjalið þá daga sem þið hafið tök á. Í lok hverrar vaktar biðjum við ykkur svo um að setja inn nokkur orð um hvernig gekk, hvað þið sáuð, hvert var farið og ef þið hafið einhverjar ábendingar eða athugasemdir.

Ef þið hins vegar verðið vör við hættulega eða ólöglega hegðun þá skal hringja beint í 112.

Í upphafi verða settir inn mánudagar og föstudagar og gert er ráð fyrir að allavega 2 aðilar fari í hvert skipti. Ef ekki næst að fylla einhverja daga fellur röltið niður þann dag. Öll samskipti fara í gegnum Margréti Heiðu deildarstjóra eða Dísu aðstoðardeildarstjóra tómstundamiðstöðvarinnar í Hvaleyrarskóla. Hægt verður að nálgast gul vesti merkt foreldrarölti í félagsmiðstöðinni í Hvaleyrarskóla til kl 22. Við höfðum hugsað okkur að prófa þetta fyrirkomulag til áramóta og sjá hvernig gengur. Eftir áramót myndum við mögulega hafa röltið á öðrum dögum en það kemur þá bara í ljós hvernig það verður.

Hér er hlekkur á skjalið: https://docs.google.com/spreadsheets/d/1NMNCZe4F7N9dv2BracLYOPfqoGH4PuIoCqujkkccTZo/edit?fbclid=IwAR0sGFkyumQeh_BZuhZTkRHCo4TlCI8cdrpVDCnYS3_uNzBf90urCNC6f5o#gid=0

Ef þið hafið frekari spurningar bið ég ykkur vinsamlegast að senda mér póst á margretm@hvaleyrarskoli.is.

Opnunartími skrifstofu:

Kl. 7:45 - 15:00 mán-fim

Kl. 7:45 - 14:00 fös

Fréttabréf Hvaleyrarskóla. Sent á foreldra nemenda skólans og skólasamfélagið.

Email: hvaleyrarskoli@hvaleyrarskoli.is
Website: www.hvaleyrarskoli.is
Location: Akurholti 1
Phone: 354 565 0200
Facebook: https://www.facebook.com/hvaleyri/