Fréttabréf Síðuskóla

Nú hækkar sólin stöðugt á lofti og hefur fyrsti mánuður ársins kvatt okkur, það er ótrúlegt hvað tíminn er fljótur að líða. Á morgun og föstudag eru viðtalsdagar í skólanum. Nú erum við að fara inn í nýtt fyrirkomulag þar sem nemandinn stýrir samtalinu, það verður gaman að sjá hvernig það gengur. Jónína kennarinn okkar á bókasafninu hefur sett bókakassa á gangana sem í eru bækur sem búið er að afskrifa. Þið megið endilega nýta ykkur þessar bækur. Einnig biðjum við ykkur að fara vel yfir óskilamuni sem hafa safnast fyrir hjá okkur í vetur.

Alda ráðgjafinn okkar er farin í veikindaleyfi þennan mánuðinn. Við viljum minna á það að ef nemendur eru keyrðir í skólann þá á að nýta sleppisvæðið, ekki fara lengra inn á bílastæðið.

Mikilvægt er að klæða sig eftir veðri, það er oft kalt hjá okkur þó vissulega sé fallegt vetrarveður.

Bestu kveðjur úr skólanum,

Ólöf, Malli og Helga

Í vetur hefur 3. og 4. bekkur eins og undanfarin ár notið skákkennslu. Núna eftir áramót bætist 5. bekkur. Við sjáum að þetta skilar sér í auknum áhuga á skák, það er Áskell Kárason sem sér um skákkennsluna.

Á hverjum fimmtudegi er val á miðstigi. Eitt af því sem boðið er upp á er þrautir og heilabrot. Eins og myndirnar sýna þá leynir áhuginn sér ekki.

Umhverfismálin eru okkur í Síðuskóla hugleikin. Umhverfisnefnd hefur undanfarnar vikur unnið að gerð samgöngusáttmála fyrir skólann. Hann er nú tilbúinn og hér má sjá hann.

1. febrúar

Skólaráðsfundur

2. og 3. febrúar

Viðtöl

22. febrúar

Skipulagsdagur, Frístund lokuð

23. og 24. febrúar

Vetrarfrí, Frístund opnar kl. 13

Krakkarnir í 1. bekk eru að læra um Þorrann í Byrjendalæsi. Hér má sjá nokkrar myndir úr stöðvavinnu. Það er virkilega skemmtilegt að sjá hve krakkarnir eru áhugasamir í þessari vinnu.

Krakkarnir í 2. bekk eru að búa til uppskriftabók þar sem þau hafa safnað saman sínum uppáhaldsuppskriftum. Hér má sjá nokkrar myndir, það er virkilega skemmtilegt að fylgjast með hve krakkarnir eru áhugasamir í þessari vinnu.

Hér er hægt að skoða uppskriftabókina. (enn í vinnslu)

Nemendur í 3. og 4. bekk eru þessa dagana í samvinnu að læra um himingeiminn.