Þorra Þytur

Fréttabréf Þelamerkurskóla febrúar 2018

Myndefni frá árshátíðinni

Árshátíðin skólans fór vel fram og aðsókn var góð. Nemendur stóðu sig allir einstaklega vel og getum við öll verið stolt af hópnum okkar.

Myndir frá árshátíðinni og aðalæfingu er hægt að skoða með því að smella á hnappinn hérna fyrir neðan.

Eins og fram kom á árshátíðinni þá sá N4 um að taka upp árshátíðina og klippa efnið til birtingar. Því er nú lokið og geta allir nálgast upptökurnar á vefnum.

Myndir frá árshátíðinni og aðalæfingu

Myndir frá öskudagsgleðinni eru líka komnar á heimasíðuna

zoom_out_map

Fleiri myndir frá öskudagsgleði skólans

open_in_new zoom_out_map

Grænfáninn í þriðja sinn

Á sprengidag fékk skólinn Grænfánann afhentan í þriðja sinn frá Landvernd. Grænfánanefnd skólans tók á móti fánanum frá starfsmanni Landverndar og dró hann að húni.

Af þessu tilefni fengu nemendur ástarpunga og mjólkurglas í ávaxtastundinni.

Smelltu á myndina og lestu um athöfnina á Facebook síðu skólans.

Margt framundan eftir vetrarleyfi

Eins og fram kemur á dagskrá skólans í febrúar er margt framundan hjá nemendum eftir vetrarleyfi eins og:

heimsókn 1. og 2. bekkjar í Álfastein
Samskóladagur 5.-7. bekkjar í Grenivíkurskóla
1.-4. bekkur fer á leiksýningu í Hofi
9. bekkur heimsækir VMA

Allar nánari upplýsingar vegna þessa er að finna í tilkynningum frá umsjónarkennurum.

zoom_out_map

Stóra upplestrarkeppnin

Upplestrarhátíð Þelamerkurskóla fer fram í skólanum þriðjudaginn 27. febrúar kl. 11:15. Þá lesa nemendur 7. bekkjar upp fyrir áheyrendur og dómnefnd sem velur tvo fulltrúa skólans í Stóru upplestrarkeppnina. Í dómnefnd verða Þorgrímur Þráinsson rithöfundur, Snorri Finnlaugsson sveitarstjóri og fulltrúi foreldrafélags skólans.

Stóra upplestrarkeppnin fer svo fram í Hlíðarbæ fimmtudaginn 1. mars kl. 13:30. Þá lesa upp fulltrúar nemenda úr Grenivíkurskóla, Valsárskóla, Hrafnagilsskóla og Þelamerkurskóla.

Á báðum hátíðunum verða tónlistaratriði nemenda úr Tónlistarskóla Eyjafjarðar.

Allir eru velkomnir á báða viðburðina.