Skólalok

Þá fer þessari undarlegu önn alveg að ljúka. Nú eru bara tveir kennsludagar eftir af önninni og þá taka við sex námsmatsdagar.

Þið hafið staðið ykkur ótrúlega vel að halda þetta út. Við gerum okkur grein fyrir að mörgum hefur reynst þetta erfitt og þetta hafa verið krefjandi aðstæður fyrir alla. Tilkoma bóluefnis gefur okkur tilefni til bjartsýni og vonandi getum við öll mætt í skólann í upphafi vorannar.

Hér fylgja upplýsingar um síðustu kennslu- og námsmatsdaga, útskrift og upphaf vorannar.

Gangi ykkur öllum vel á lokasprettinum.

NÝNEMAR Í BÓKNÁMI:

Síðustu vinnustofur nýnema verða þriðjudaginn 8. desember og verða þær með sama fyrirkomulagi og undanfarnar tvær vikur.

NEMENDUR Í BÓKNÁMI:

Bóknám verður í fjarkennslu á Teams en kennarar hafa látið nemendur vita ef einhverjir tímar verða í skólahúsnæðinu mánudag og/eða þriðjudag.

NEMENDUR Í VERKNÁMI:

Verknámskennsla verður áfram samkvæmt stundatöflu í skólahúsnæðinu.

NEMENDUR Á STARFSBRAUT:

Starfsbrautarkennsla verður áfram samkvæmt stundatöflu í skólahúsnæðinu.

Útskrift fer fram föstudaginn 18 .desember næstkomandi.

Fyrirkomulag athafnarinnar verður ákveðið og kynnt um leið og ný reglugerð um sóttvarnir verður lögð fram þann 9. desember. Hvað sem verður þá verður útskriftarathöfn með einhverju sniði og streymt frá henni hjá Viðburðastofu Vestfjarða.

Við látum ykkur vita um leið og ákvörðun liggur fyrir.

Skólastjórnendur og kennarar vinna nú hörðum höndum við undirbúning vorannar. Á þessari stundu liggur ekki ljóst fyrir hvaða takmarkanir og sóttvarnarreglur munu gilda í samfélaginu en allt kapp verður lagt á skipuleggja skólastarfið þannig að nemendur mæti sem mest í skólahúsnæðið. Vonandi verður hægt að kynna skólastarfið á vorönn betur áður en jólafríið hefst. Minnt er á að samkvæmt skóladagatali opnar fyrir stundatöflur 4. janúar og kennsla hefst samkvæmt stundatöflu 5. janúar.

Bókasafnið í skólanum verður opið alla næstu viku frá 8 - 16.

Geta nemendur nýtt sér þjónustu safnsins í samráði við safnvörð sem verður á staðnum og hvetjum við nemendur að nýta sér aðstöðuna og þjónustuna þessa síðustu kennsludaga og yfir námsmatsdagana.

Fjöldatakmarkanir og reglur um sóttvarnir gilda á bókasafninu eins og í skólanum.

Nemendur geta bókað tíma hjá náms- og starfsráðgjafa eða áfangastjóra hér.

Við hvetjum nemendur til að leita til námsráðgjafa með allt sem snýr að náminu.

Allir þurfa að huga að sínum persónubundnu sóttvörnum. Nauðsynlegt er að spritta sig við komuna inn í skólahúsnæðið og grímuskylda er þegar ekki er hægt að tryggja 2 m fjarlægðarmörk.

Maskaskylda er í öllum kennslustundum í skólahúsnæði, bæði hjá nemendum og starfsfólki.

Email: misa@misa.is
Website: www.misa.is
Location: Torfnes, Ísafjörður, Iceland
Phone: 450 4400
Facebook: https://www.facebook.com/menntaisa