Programa di testes di COVID-19

Nu sta manda nhos es carta pa pidi nhos autorizason, pa faze nhos fidju(a) testes regularmente komu parti di programa di teste en grupo na ses skolas. Testes en grupos ta involvi revisa amostras di testes di varios individuos fetu en "konjuntu" i dipos analiza kel amostra en konjuntu pa COVID-19. Es abordagen li, ta aumenta numero di individuos ki pode ser testadu di un bez i el ta permitinu faze testes regularmenti pa nos komunidadi eskolar pa COVID-19.

Testes en grupo ta ser realizado pelo menos un bez pa semana pa tudu alunos ki partisipa, atraves di un zaragatoa podu dentu di naris. Entre 24-48 hora dipos ki fazedu teste, skolas ta resebi resultadu di teste agrupado. Si resultadu di teste agrupado é negativo, nton ta presumidu ma tudu individuos di kel grupo ki faze-du teste ka tene COVID-19. Si resultadu di teste agrupado da puzitivo, nton tudu individuos ki faze-du teste na kel grupo ten ki faze un teste individual di COVID-19. Visto ki testes agrupados ka ta da resultados individual, nhos ta ser kontatadu so si nhos fidju meste faze un teste di akonpanhamentu.

Teste é gratis, konfidensial, i voluntário. Nu ta insentiva nhos a konsidera dexa nhos fidju(a) partisipa na es programa.

Funsionários di skola dja resebi trenamentu konpletu na komu ki es ta administra teste. Skola ki nhos fidju(a) ta frequenta ta txoma nhos si nhos fidju(a) é parti di un grupo di teste ki da puzitivo i si el/ela mesti faze un teste di akonpanhamentu i ô si el mesti sigui kalker otu ason ki sujeridu. Si teste di akonpanhamentu di bu fidju(a) da puzitivo, bu ten ki ben buska bu fidju(a) na skola i sigui prusedimentos di konfinamento. Skola ta aviza nhos sobre próximos passos ki nhos fidju(a) debi toma en kazu ki teste di grupo ki nhos fidju(a) staba inkluido na el da puzitivo i kazu teste di akonpanhamentu individual tanbé da puzitivo.

Pa autoriza bu fidju(a) a partisipa na Programa di testes di COVID-19 en grupo na nos skola, inkluindo konsentimento pa transmiti informason di aluno(a) atraves di plataformas teknulójikas di testes fetu en grupo, konsentimentu pa kalker testes di akonpanhamentu, i konsentimentu pa konpartilha informason di resultadu di teste ku Departamentu di Saúde Publika i CIC Health (un organizason indipendenti ki kontratadu pa konpila konsentimentu pa faze teste i pa konpartilha resultadu di testes) por favor prienxi formulário elektrókinu di konsentimentu li. Prienxi un formulario pa kada aluno(a) ki sta frequenta skola pa aprendizagen prizensial.